Guud Ahaan Shaqaalaha Dawladda Oo Loo Fasaxay Xuska DHEEL-MINTII NEBI MUXAMED (CSW) Oo Maanta Ku Beegan

April 24, 2017 - Written by Berbera Today

Hargeysa(Berberatoday.com)-Waxa Maanta oo Taariikhdu ku beegan tahay 24-ka bisha Afraad, 2017-ka, oo waaqafsan 27-ka bisha 7-aad, 1438 Hijriga, waxa Dunida Muslimka ah laga oogayaa Xuska HABEENKII SAMADA LOO DHEEL-MIYEY NEBIYULLAAHI MUXAMED (CSW).

Xuska Dheel-minta Nebigeenna Muxamed (CSW) ama ISRAA WAL MICRAAJ, awgeed ayaa Shaqaalaha Dawladda Somaliland waxay noqon doonaan fasax, sida uu Maanta ku dhawaaqay Guddoomiyaha Hay’adda Shaqaalaha Dawladda Somaliland Sharmaarke Axmed Muxumed Geelle.

Guddoomiye Sharmaarke oo Shir-jaraa’id ku qabtay Xafiiskiisa Hargeysa, ayaa yidhi “Hay’adda Shaqaalaha Dawladdu waxay shaacinaysaa Maanta in Berri oo Taariikhdu tahay 24-ka bisha Afraad, 2017-ka, kuna beegan 27-ka bisha 7-aad, 1438 Hijriga, inay Shaqaalaha Dawladdu noqon doonaan Fasax, kana nasan doonaan hawl maalmoodkoodii Shaqo, maaddaama oo ay ku beegan tahay Habeenkii la Dheelmiyey Nebiyullaahi Muxamed (CSW). Markaa Maalintan oo ka mid ah Maalmaha fasaxa, waxaanu shaacinaynaa inay Shaqaalaha Dawladdu fasax yihiin..