|
|
Berbera(Berberatoday.com)-Guud ahaan Goobihii Diwaan galinta ee Gobolka Saaxil oo dhamaantood haawanaya oo la layahay cidii hore isu diwaan galisay oo la baafinayo intoodii badnayd,
Sidoo kale goobihii miyiga ee tuulooyinka magaalada ka baxsan ahaa oo iyagana laga soo sheegayo in xitaa aanay afar meelood aanay meeli kaadhadhkii qaadan iyada oo wakhtiguna galay maalintii shanaad mudo laba maalmoodina ka hadhsan tahay xiligii loo qabtay kaadh qaadashada goobaha debeda ee miyiga iyo degmooyinka.
Goobaha Gudaha Magaalada Berbera iyo deegaamada ku teedsan jidadka laamiga ah ee Hargaysa iyo Berbera uga baxa magaalada Berbera ayaa dib udhaca iyo dad yaraanta kutimi loo aanaynayaa Musharixiintii Doorashada golaha Wakiilada oo iyagu ahaa ragii dadka soo daad guraynaayay oo meesha ay ka baxaday doorashadii ay filayeen inay dhacdo oo dib loo dhigay iyo lacago iyo is abaabul ay samayn jireen dadka deegaanka iyo qurba joogta ah oo lacago soo ururin jiray dadka lagu soo raro.
Sabab kalaa iyana jirta taas oo ah in Musharixiinta Xisbiyada Qaranka ee Kulmiye Iyo Waddani oo ka gaabiyay qorshihii dadka lagu soo daad gurayn lahaa.
Ilaa Hada ma muuqdo qorshe Xukumadeed mid asxaabeed iyo mid deegaan oo lays leeyahay waa lagu xalili karaa dhibaatadaas taagan ee la xidhiidha kaadh qaadashada oo keeni karta in tiradii (78000)ka ahayd ee codbixiyayaasha Gobolka Saaxil la filayo inay kala badh kusoo ururta hadii aan gurmad xukumadeed mid Asxaabeed iyo Mid deegaan oo isku duuban aan laga galin arinkaas.
Dhinaca kale waxa iyana jirta dadka deegaanka Gobolka Saaxil oo dan iyo Muraad toona kalahayn Doorashada dalka ka qabsoomi doonta oo saluugay hab maamulka Xukumada Dalka Ka taliya oo culays weyn kuhaya gobolka Saaxil
Berberatoday.com