18 May, 1991, Go’aan wayn ayaa la qaatay, guulo badan na waa la gaadhay tan iyo maalintaas. Maanta 26 sano ayaa laga joogaa maalintii taladaasi dhalatay, wax badan oo qaldamay, oo hadii aan la garawsanin halis dhab ah gelinaaya, amaba burburinaaya wixii la qabtay ayaana jira. Geesinimadu ma aha midda xabadda oo keliya, waxa se la mid ah, amaba ka adag, in kelyo loo yeesho qirashada iyo sixidda wixii qaldanm. 18 May ha noqoto maalin la xisaabtamo, yaanay noqonin maalin la is maaweeliyo. Maxamed Siyaad baa 21 October ka dhigtay maalin maaweelo iyo indho-sarcaad, aakhirkiina waa ay ku dul duntay isaga oo guulihii kacaanka ka sheekaynaaya, oo calamada lulaaya!