Qorshe Al-shabaab Ku Dili Lahaayeen Taliyaha Ciidammada Jabuuti Ee Soomaaliya Jooga Oo Fashilmay
May 21, 2017 - Written by Berbera Today
Beledweyne(Berberatoday.com)-Askari ka tirsan ciidamada xoogga dalka Soomaaliya ee gobolka Hiiraan, ayaa soo bandhigay Walxaha qaraxa oo sida uu sheegay Al-shabaab kula ballaameen in lagu dilo qaar ka mid ah saraakiisha ciidamada dowladda iyo kuwa howlgalka AMISOM.
Askarigan oo lagu magacaabo Maxamed Cali Axmed oo warbaahinta faah faahin ka siiyay sheekada ku saabsan Xidhiidhka dhexmaray isaga iyo saraakiisha Al-shabaab ayaa sheegay in ay kula ballaameen in walxaha qarxa u geeyo xerada Lama-galaay oo saldhig u ah ciidamada xoogga dalka Soomaaliya qeybta 21aad oo ah xero si weyn amnigeeda loo ilaaliyo.