|
|
New York(Berberatoday.com)-Hay’adda Carruurta u qaabilsan Qaramada Midoobay ayaa si deg-deg ah ugu baaqday in wax laga qabto abaaraha ka jira Soomaaliya, kuwaasi oo ay sheegtay inay si weyn u saamaysay Carruurta, islamarkaana ay kuwo badani u dhinteen haddana kuwo kale ay qarka u saaran yihiin in ay u dhintaan.
1.5 Million oo Carruur Soomaali ah ayaa wajahaya macaluul sida ay shaacisay hay’adda UNICEF.
Sidoo kale, waxa ay sheegtay in dadka Beeralayda iyo Xoolo-dhaqatada ah ay qarka u saaran yihiin in ay lumiyaan beerahooda iyo sidoo kale xoolahooda abaarta ka jirta Soomaaliya awgeed, Wallow Meelo badan oo Soomaaliya ah uu Raxmaadka Alle ka da’ay.
Sarkaal ka tirsan hay’adda UNICEF ayaa saxaafadda u sheegay in qaar ka mid ah dowladaha caalamka ay ka gaabiyeen gargaaridda xaaladda ay ku sugan yihiin Carruurta Soomaaliya.
Waxaa uu sheegay in Hay’adda UNICEF ay furi doonto sanduuq loogu gurmanayo Carruurta Soomaaliya.
Qaar ka mid ah dowladaha caalamka ayaa balan-qaaday in ay wax ka qaban doonaan Abaaraha ka jira Soomaaliya.
Berberatoday.com