|
|
Burco(Berberatoday.com)-Taliye ku xigeenkii Booliska ee magaaladda Burco Captan Aadan Kayse Ismaaciil oo hawl-gal shaqo loogu dhaawacay magaaladda Burco ayaa dhakhtaraddu Kula taliyeen in loo diro dhakhtar dibadeed ilaa haatan dawladu wax Gar-gaar ah umay fidin, isagoo lagu dhaawacay hawl-gal shaqo oo uu dalkiisa iyo dadkiisa ugu shaqaynayay, Abaalkiisu wuxuu ahaa in si dhakhso ah loogu qaado dhakhtar dibadeed, xaalada Askariga ayaa cakiran, isagoo xabad lagaga dhuftay Caloosha kana dhex baxday macdanta caloosha.
Taliyaha ciidanku xataa muu booqan, dawladana hadalkeeda daa, waa abaal loo dhigtay qofkasta oo ku hanwaynaa in uu dalkiisa iyo dadkiisaba u dhinto.
Askarigu wuxuu qaataa 80$ lacag u dhigmaysa, wuxuuna naftiisa u hurey dalkiisa iyo dadkiisaba.
Xukuumada iyo taliyaha ciidanka booliskaba waxaan ugu baaqayaa inay si dhakhso ah ugu qaadaan dhakhtar dibadeed ama wax loogu qabto.
Qaabka ay xukuumaddu u daryeelo ciidankeeda ayay iyana ugu shaqaynayaan , ha loo gurmado taliyaha xaalada caafimaad ku jira.
Faafi oo gaadhsii asxaabtaada.