|
|
Hargeysa(Berberatoday.com)-Cali Khaliif Galeydh Madaxweynaha Maamulka Khaatumo ayaa xalay hal mar uun la arkay isaga oo socdaal lug ah oo tamashlayn ah ku dhex maraya suuqyada waa weyn ee Magaalada Hargeysa
Waxaana Socdaalkaasi Cali Khaliif ku wehelinaayey gudoomiyaha xisbiga UCID Faysal Cali Waraabe iyo wasiiru dawlaha wasaaradda Waxbarashada Somaliland oo labadooduba kamid ah guddiga dhanka dawlada Somaliland u matalaya wada hadalada Somaliland iyo Kooxda Khaatumo.
Qaar ka mid ah shacabka caasimada Hargeysa isla markaana ku sugnaa goobihii suuqyada ahaa ee Cali Khaliif Xalay Dhex maraayey ayaa ku soo ururay iyaga sawiro la galay isla markaana dhalinyarada qaar ay Cali Khaliif Galaydh xalay kula kaftameen inuu Hargeysa soo dago isla markaana kamid noqdo Siyaasiyiinta Somaliland kana shaqeeyo horumarka iyo wax wada lahaanshaha Somaliland
Cali Khaliif iyo dhalinyaradii uu xalay kula kulmay suuqyada Hargeysa ayaa waxaa ay is dhaafsadeen hadalo kaftan iyo duur xul iskugu jira.
Socdaalkan lugta ah ee uu xalay Cali Khaliif Galaydh ku maray suuqwaynaha Caasimada Hargeysa ayaa waxaa uu ahaa mid kadis ah
Berberatoday.com