Oslo(Berberatoday.com)-Hooyooyin ka mid ah Soomaalida ku dhaqan Dalka Norway oo la kulmay Wasiirka Arrimaha Dibadda ee Soomaaliya Yuusuf Garaad Cumar, ayaa si qiiro leh uga warramay dhibaatooyin Dawladda Norway ee Degannaanshiyaha siisay ku hayso.

Haweenkan oo qaarkood ay Dawladda Norway ka qaadday Carruurtoodii, isla-markaana u geysay qaarkood Dad isku jinsi ah oo is qaba, si ay u korsadaan, ayaa Dawladda Soomaaliya ka codsaday inay wax ka qabato Arrintaasi.

Haweenkan oo qaarkood Oohin xajinsan waayay, ayaa sheegay in Carruurtoodii Dawladda Norway ka qaadday la baro Diinta Kiristaanka.