|
|
Berbera(Berberatoday.com)-Alle Ha Unaxariistee Waxa Xalay Sacadihii Danbe Ku Geeriyooday Dekeda Berbera Marxuum Magaciisa Lagu Sheegay Xaamud Xasan Cabdi oo kamida ahaa shaqaalaha Muruqmaalka Dekeda Berbera Gaar ahaan Qeybta Maraakiibra Dushooda Badeecadaha Kasoo Dajiya Ee Stavadoranska.
Marxuumka Geeriyooday ayaa Waxa la sheegay Inay Dhimashadiisa Sababtay Laba Koonteenar oo Isu Qabtay Kadib Markii Wiishka Markabku Soo go,ay Siina Daayay Koonteenar uu siday Mid Kaloo Hoos Yaalayna uu Dusha Kaga Dhacay Isaga oo Marxuumku Ku Taaganyahay Goobtuna Ay Aheyd Markabka Dushiisa.
Marka Dushiisa shilku Ka dhacay oo ah Nooca koonteenarada Xambaara ayaa lagu magacaabaa M/v CF TINA Waan Shirkada P&O ee Geele Arab Wakiilka Uyahay dad goob joog ahaa xiliga falkani dhacaayay oo ahayd Xalay abaara 2 habeenimo oo la soo xidhiidhay Shabakada Wararka Berberatoday.com ayaa sheegay inuu Marxuumkaasi Markiiba ku Qudhbaxay Isla Goobtii shilku kadhacay oo ahayd Markabka Dushiisa oo uu Marxuumku ka shaqaynaayay.
Dhacadadan ayaa Waxa Ay Kusoo Beegamaysaa iyada oo dhawaan shaqaalaha Muruqmaalka Dekeda Berbera Ka Cabanayeen Islamarkaan Shaqo Joojin Ka sameeyeen Qaabka Xaqa Iyo Xuquuqdooda Shaqaalenimo Loo Siinayo Xiliyada shilalka Noocani Kasoo Gaadhaan Maraakiibta Dushooda Iyaga Oo Shaqaynaya Ee Magta Loo Siinayo, iyada oo ay Jiraan shaqaale Hore dhaawacyo Uga Soo Gaadheen shaqada Markaaiibta Mudadii Koobnayd ee Shirkada DP World Maamulka Dekeda gacanta Ku haysay oo ilaa Hada Aan Xaqoodii La Siinin taasina ay Keentay Kacdoonkii Dhawaan Shaqaalaha Mureuqmaalku sameeyeen Ee Shaqo Joojinta Ahaa.
Madaxda iyo Masuuliyiinta Shaqaalaha Muruqmaalku Dekeda Berbera Ayaa Hore Ugu Eedeeyay Shirkada DP World Inay Iska Hortaagtay Inay Shaqaalaha Dhaawacmaa Xaqooda Ka Helaan Maraakiibta Waxyeeladu Dushooda Kusoo Gaadho Xiliyada Ay Shaqaynayaan .
Berberatoday.com