Madaxwayne Trumpka Mareykanka Oo Dhaliilo Kala Kulmay Rabshadihii Charlottesville
August 14, 2017 - Written by Berbera Today
USA(Berberatoday.com)-Madaxweynaha Maraykanka, Donald Trump ayaa lagu dhaleeceeyay qaabka uu uga hadlay rabshaddii uu dhiiga ku daatay ee ka dhacday magaalada Charlottesville.
Haweeney ayaa ku dhimatay 19 qof oo kalena way ku dhaawacmeen markii gaari la jiirsiiyay dibad baxayaal diiddan kooxaha caddaanka cunsuriyiinta ah ee isugu soo baxay magaalada Charlottesville, ee gobolka Virginia.

Boqolaal ah dadka caddaanka cunsuriyiinta ah ayaa Sabtidii magaaladaasi ka sameeyay socod ay ugu magac dareen Mideynta Kooxaha Midigta, ayna uga soo horjeedeen duminta taallo loo dhisay dadkii gobolada Koonfurta Maraykanka uga dhintay dagaalkii sokeeyo ee dalkaa ka dhacay.