|
|
Laascanod(Berberatoday.com)-Barkac xoogan ayaa ka bilaaay deegaanka Cagaare oo dhaca Koonfurta degmada Laascaanood kaddib markii dabley halkaa ay ku dileen Afar ruux sida uu sheegay Maxamuud Warsame Cali oo ku sugan Karin-dabayl-weyn.
Goob joogahan ayaa sheegay in dabley hubeysn ay rasaas ku fureen dad ku sugnaa goob maqaaxi ah waxaana la sheegay in Afar ka mid ah dadkaasi dhinteen.
Ragan dhintay ayaa ka soo jeeda degmad Burtinle ee gobolka Nugaal, iyadoo ay jirtey colaad mudo dheer degaankaas ka taagnayd oo dhawaan la nabadeeda la xidhay xeer adagna loo dhaabay kaas oo u muuqda in uu jabay.
Cali Maxamuud oo ka mida gaadiidleyda ayaa waxa uu sheegay in ay dad badan ka qaxayaan degaankoodii, halka qaar kalena ay ku jaahwareersan yihiin wixii ay ka yeeli lahaayeen.
Degaankan ayaa ku jira fiiqa dheer ee Itoobiya waana dhul daaqsimeed colaado dhawrjeer soo laalaabtayna ay ka dhaceen.
Isu ciidansi xoogleh ayaa taagan walow ciidamo Itoobiyaan ah la sheegay in ay yimaadeen, waxaana la eegi doonaa sida xaalku noqdo iyadoo colaad u joog ay noqotay koonfurta degmada Laascaanood.
Berberatoday.com