|
|
Argentine(Berberatoday.com)-Booliska dalka Argentine ayaa toogtay Shimbir loo adeegsanayay gudbinta daroogo, xabsi ku yaal magaalada Santa Rosa ee Gobolka La Pampa.
Shimbirtan ayaa maro caloosha looga soo xidhay loo adeegsanayay inay daroogo gudbiso, waxaana markiiba ka shakiyay Ciidamada ilaaliya Xabsiga lagu magacaabo Colonia.
Saraakiisha Xabsiga ayaa sheegay in shimbirka ay dhowr maalin ay soo dul istaagtay darbiga xabsiga dhexe, ayna ka shakiyeen inay fariin gudbineysay.
Markii toogasho lagu soo riday shimbirkan ayaa waxaa qeybta hoose ee caloosha lagu arkay maro lagu dul-dajiyay, oo la soo geliyay daroogo lagu qiyaasay 7.5 grams, oo ay wehliyeen 44 kaniini.
Sanadkii 2013 Booliska ayaa bur buriyay shabakado xabsiga u kala gudbin jiray darooyinka iyo maandooriyaal, waxaana gacanta lagu soo dhigay 15 shimbiro oo loo adeegsanayay gudbinta daroogada.
Dalalka Latin America ayaa inta badan caadi ka ah in shimbiraha loo adeegsado kala gudbinta kontorbaanka iyo waxyaabaha maanka-dooriya, iyadoo tani ay tahay xirfado cajiib ah oo ay adeegsanadaan kooxaha daroogada ka ganacsiga.
Berberatoday.com