Daawo Muuqalka”Duufaanta Irma Oo Iminka Garaacaysa Gobalka Florida Ee Dalka Mareykanka

September 10, 2017 - Written by Berbera Today

USA(Berberatoday.com)-Duufaanta Irma ayaa billowday in ay garaacdo xeebaha gobolka Florida ee dalkan Mareykanka,

taasoo durbaba dhalisay in 75 kun oo ruux ay iska diiwaan geliyaan xarumaha dag daga ah ee ay dowladu diyaarisay.

Dabeylo iyo roobab xoog leh oo qeyb ka ah masiibada duufantan Irma ayaa lagu wadaa in ay fatahaado iyo bur bur ka geystaan waqooyiga Floria saacadaha hore ee Axada maanta ah, ka hor inta aysan usii gudbin xeebaha galbeed ee isla gobolkaan.

Gudoomiyaha gobolka Florida Rick Scott ayaa u shacabka u sheegay in ay isaga baxaan deegaanada lasii iclaamiyay in laga cararo ee ay duufaantu ku socoto, waxa kale oo uu sheegay in gobolka uu ku jiro xaalad dag dag ah.

Waa dufaantii labaad oo ka dhacda Mareykanka muddo 15 maalmood gudahood ah, laba todobaad ka hor ayey aheyd marki ay duufaanta Harvey garaacday gobolka Texas.