|
|
Bunes Ares(Berberatoday.com)-Xulka kubada cagta ee dalka Argentine ayaa qarka u saaran inay ka hadhaan koobka aduunka ee lagu qabanayo dalka Ruushka sanadka 2018-ka.
Xulka Argentine oo uu hogaaminayo xidiga Leo Messi ayaa ciyaar adag oo ay iska hor yimaadeen xulka Peru waxay ku kala baxeen barbar dhac aan wax goolal ah layska dhalin, taas oo ka dhigan in rajadii xulka Argentine ee ka qayb galka koobka aduunka ay hoos u dhacday.
Qaarada latin America oo laga doonayo inay ka baxaan shan xul ayaa waxa haatan ugu sareeya xulka qaranka Brazil oo leh 35 dhibcood, waxa ku xiga Uruguay oo leh 28 dhibcood, waxa ku
xiga Chile oo leh 26 dhibcood, waxa ku xiga Colombia oo leh 26 dhibcood iyo xulalka Argentine iyo Peru oo leh mid 25 dhibcood.
Dhamaan xulalkan ayey u hadhsan yihiin min hal kulan oo ay isku arkayaa is reeb reebka, waxaana xulka Argentine uu wajahi doonaa dhigiisa Ecuador, iyada oo ay haddii ay badiyaan isla markaana ay guul gaadho Peru ay sidaas kaga hadhi doonaan koobka aduunka ee lagu qabanayo Ruushka.
Berberatoday.com