|
|
Piayong(Berberatoday.com)-Hogaamiyaha Kuuriyada Waqooyi ,Kim Jong-un,ayaa walaashii u dalacsiiyay jago sare oo ay ka qabanayso xisbiga ka taliya dalkasi.
Kim Yo-jong -oo la rumaysan yahay in ay jirto 30 sano ayaa loo magacaabay in ay xubin ka noqoto golaha sare ee gaara go’aanda dalkaasi Kuuriyada waqooyi.
Ms Kim ayaa waxa ay seddex sano ka hor ahayd sargaal sare oo ka tirsan xisbiga talada haya.
Kim Yo-jong ayaa jagadan kala wareegaysa eedadeed oo horey u haysay.
Mareykanka ayaa horey ugu daray Ms Kim liiska saraakiisha Kuuriyada Waqooyi ee lagu eedeeyay in ay masuul ka yihiin tacadiyada xuquuqda aadanaha ee ka dhaca Kuuriyada Waqooyi.
Dalacsiinteeda ayaa waxaa ku dhawaqay Mr Kim oo shaacinayay isku shaandhayn lagu sameeyay saraakiisha sarsare ee dalkaasi.
Khubarada u kuur gala arrimaha Kuuriyada Waqooyi ayaa sheegaya in tillaabadan ugu dambaysay ay muujinayso sida ay uga go’an tahay qoyska Kim Jong-un in ay sii haystaan talada dalkaasi.
Dalacsiinta Kim Yo-jong oo la dhalatay hogaamiyaha Kuuriyada Waqooyi ayaa ku soo beegmaysa xilli ay kacsan tahay xiisada gacanka Kuurriya.
Qoyska Kim ayaa xukumayay Kuuriyada Waqooyi tan iyo intii la asaasay dalkaasi sanaddii 1948.
Berberatoday.com