|
|
Jeddah(Berberatoday.com)-Haweenay u dhalatay dalka Sucuudiga ayaa waxay shaacisay muuqaalo muujinaya jidh dilka uu kula kacay ninka kafiilka u ah ee ay u shaqayso, haweenaydan oo ka soo jeeda Gobolka Banjab ee Dalkaasi Hindiya ayaa waxay muuqaalkaasi ay iska soo duubtay kaga codsatay Xukuumada dalkeeda inay arrintaasi wax ka qabato.
Sidoo kale Wargeyska Indian express ooWargesyka Himilo ka soo xigtay ayaa shaacisay in dhacdadani ay tahay tii afraad ee muddooyinkan ugu dambeeyay ay dadka u dhashay dalkaasi ee ka shaqeeya gudaha dalkaasi Sucuudiga ay ka soo cawdaan dadyawga ay u shaqeeyaan isla markaana ka masuulka ah ee u dhashay Dalkaasi Sucuudiga.
Warbixintan ayaa cadaysay in cabashada ay haweenaydaasi u dhalatay dalka Hindiya ku muujisay muuqaalka ay iska soo duubtay isla markiiba ay ka jawaab celisay wasiirada arrimaha bulshada ee Dalkaasi India Sushma Swaraj waxa aanay isla markiiba farriin degdeg ah u dirtay safaarada Hindiya ee Sucuudiga, iyadoo ka codsatay safaarada inay si degdeg ah u tagaan goobta ay ku sugan tahay haweenaydaasi si ay xaaladeeda usoo ogaadaan, dhacdooyinka noocan oo kale ah ayaa ah kuwa had iyo jeer ku soo noqnoqda dadka ka soo jeeda guud ahaan ba qaarada Asia ee ka hawl gala Dalkaasi Sucuudiga oo dhibaatooyin aad u badan kala kulma dadyawga ay u shaqeeyaan.
Berberatoday.com