Magacyada Saddex Ruux Oo Deegaannada Xeebta Galbeed Ee Somaliland Ay Raxan Waraabeyaal Ahi Ku Cuneen Iyo Cabsi Soo Waajahday Dadka Deegaanadaas Ku Dhaqan
October 16, 2017 - Written by Berbera Today
Lughaya(Berberatoday.com)-Raxan Waraabayaal ah, ayaa habeennadii u danbeeyay Weerrar ku hayay Dadka deegaamada Xeebta ee Lughaya ee galbeedka Somaliland, waxayna meelo kala duwan oo Ka tirsan deegaankaa ku cuneen saddex qof. Caaqil Xuseen Mardi Rayaale oo ka tirsan dadka deegaanka ayaa sheegay in deegaanka Cabdi Geedi meel u jirta Qiyaastii 1km uu Waraabe ka qaatay gabadh Yar oo 2 Jir ah oo magaceedu ahaa Raaxo Hulaac Mahdi oo goor habeen ah 2 Oct 2017, hooyadeed oo magaceedu yahay Raxma Yaasiin Xasan la huruday. Caaqil Xuseen, wuxuu sheegay in markii laga daba tegey Waraabaha lasoo helay qaybo jidhkeeda ka mid ah. Sidoo kale wuxuu sheegay in 1 Oct 2017, Waraabe ku Cunay deegaanka Kalawle Nin wadaad ah oo magaciisa lagu sheegay Cabdullaahi Cumar Buuni oo 45 Jir ah. Sidoo kale deegaanka dhuxusha oo 7KM u jirta Lughaya, wuxuu Waraabe ku cunay Yurub Ibraahin Cali oo 8 Jir ah oo magaca Hooyadeed lagu sheegay Muumina Siciid, balse waa laga riday waraabaha iyadoo dhaawac ah.