|
|
Hargeysa(Berberatoday.com)Allaah ha u naxariistee Saddex Qof ayaa geeriyooday, mid kalena waxa ka soo gaadhay Dhaawac culus, ka dib markii Gaadhi nooca Indha-caddaha loo yaqaanno ah oo ay wada saarnaayeen Afartaas Ruux oo midkood Gabadh tahay ku dhacay xalay Saqdii dhexe Kaabadda Xaafadda Sabaxareed ee degmada Maxamuud Haybe ee magaalada Hargeysa.
Waxa geeriyooday laba Wiil iyo Gabadh, halka Wadihii Gaadhigu uu dhaawac culus yahay, waxaana dhammaantood loo qaaday Cusbitaalka guud ee magaalada Hargeysa, oo Maamulkiisu ka gaabsaday mar uu Horn Cable TV booqday Isniintii Maanta, sida uu Caawa baahiyey.
Afhayeenka Ciidanka Booliska Somaliland Faysal Xiis Cilmi oo Warbaahinta la hadlay, ayaa xaqiijiyey Geerida saddexdaa Ruux ee Shilka ku dhintay oo Midkood Gabadh ahayd iyo Dhaawaca Wadihii Gaadhigaas oo isaguna Koomo ama xaalad Miyir la’aan ah ku jira oo dhaawac culusi gaadhay.
Haddaba, Afhayeenka Booliska Gaashaanle Sare Faysal Xiis oo dhacdadaa ka warbixinaya, Bulshada iyo Wadayaasha Gaadiidka iyo weliba Dad uu Sheegay inay Dhalinyarada ka kireeyaan Baabuurta Baaq u diraya, waxaannu hadalkiisa idiinku soo gudbinaynaa Muuqaalkan Hoose ee Daawasho wacan:-
Berberatoday.com