|
|
Hargeysa(Berberatoday.com)-Deraasad cusub oo dhawaan lagu soo bandhigay dalka Maraykanka ayaa ka digtay in hawada wasakhaysan ee ay dadku neefsadaan ay ku waxyeeloobaan sanadkii 10.7 milyan oo qof guud ahaan ba dunida, Waxyeeladaasi oo ah xanuunada kala duwan ee kelyaha ku dhaca.
Deraasaddan ayaa waxa soo bandhigay khubaro ka tirsan ururka cudurada kelyaha ee dalkaasi Maraykanka, waxaanay sheegeen inay arrintaasi xaqiijiyeen kadib markii ay baadhitaano ku sameeyeen bukaanada daawayntu uga socoto dhakhtarka ciidammada hawl-gabka ah ee ku yaalla magaalada Sant Luis, Natiijada ka soo baxday baadhitaankaasi ayaa lagu xaqiijiyay in Bagteeriyada yaryar ee ilma-qabatayga ah ee ku lummaan hawada wasakhaysan ee ay dadku neefsadaan ay sabab u tahay cudurada kala duwan ee ku dhaca kelyaha.
Binjamin Bu oo ah khabiir ka tirsan khubarada deraasadani soo bandhigay ayaa waxa uu yidhi “Waxa muddooyinkan dambe guud ahaan dunida oo dhan lagu jahawareersanaa cudurada kelyaha ee sida degdeg ah ugu faafay, sidoo kalena gallaaftay nolosha dad badan xalkuna waxa uu yahay sidii hawo nadiif ah oo aan wax wasakh ahi ku lammaanayn ay dadka dunida ku nooli u neefsan lahaayeen, waana arrin aad u adag runtii haatan”.
Berberatoday.com