|
|
Texas(Berberatoday.com)-Ururka u dooda xoriyadaha Maddaniga ah ee Maraykanka ayaa si adag ugu doodey gabadh yar oo u dhalatay dalka Mexico oo qabta xanuunka Faaliga Maskaxda.
Gabadhan yar ayaa lagu siday gaadhi Aumblance ah waxaanay u socotay Gobolka Texas halkaasi oo ay ku galaysay qaliin, balse ciidammada xudduuda ee dalkaasi ayaa hor istaagay gabadhaasi yar waxaanay u taxaabeen xabsiga, waxaanay xidhneyd muddo toban maalmood ah.
Dedaad badan oo ururkaasi muujiyay kadib ayaa waxa gabadhaasi yar loo soo celiyay xoriyadeedii.
Gabadhani yar oo magaceeda la yidhaahdo Roza Maria Hernandez ayaa waxay si sharci darro ah ugu nooshahay gobolka Texas ee dalkaasi Maraykanka, waxaanay halkaasi ku nooleyd tan iyo markii ay saddex bilood jirtay xilligaasi oo ay waalidkeed si qarsoodi ah ku gaadhsiiyeen gudaha gobolkaasi Texas, haddaba xadhiga Roza ayaa la xidhiidha go’aano uu soo saaray Madaxwaynaha dalkaasi Donald Trump oo ka dhan ah dadka sida sharci darrada ah ugu soo qulqula dalkaasi ee ka soo jeeda Latin America, laakiin xadhiga gabadhani ayey aad u dhalleeceeyeen ururo badan oo ka dhisan gudaha dalkaasi oo u dooda xuquuqda aadamaha, iyagoo sheegey in xaaladda gabadhan yari aanay la mid ahayn ta dadka dhaqaale doonka ah isla markaana xadhiga lagula kacay Roza ku waxay ku sheegeen mid insaaniyada ka baxsan.
Berberatoday.com