|
|
“Waxaan ku Bogaadinaynaa Somaliland Habsami u socodka ololaha Doorashada oo ay ka muuqato Xasilooni Siyaasadeed…” War-murtiyeed ka soo baxay Shir lagu soo gebogbeeyay Muqdisho
Muqdisho(Berberatoday.com)-Waxa Magaalada Muqdisho ee Caasimadda Dalka Soomaaliya lagu soo gebogabeeyay Shir uga socday Dawladda dhexe ee Maamul-gobolleedyada Dalkaasi.
Shirkan oo lagu Xallinayey Khilaaf Siyaasadeed oo dhex yaallay Dawladda Federaalka iyo Maamul-gobolleedyada, ayaa waxa laga soo saaray War-murtiyeed lagu soo ururiyey waxyaabaha ay ku heshiiyeen dhinacyada uu Shirku u socday.
War-murtiyeedka Shirkan laga soo saaray ayaa waxa lagu soo hadal-qaaday Jamhuuriyadda Somaliland, gaar ahaan Ololaha Doorashada Madaxtooyada ee Toddobaadyadii u dambeeyay si Habsami leh u socday.
War-murtiyeedka ay soo saareen Madaxweynaha iyo Madaxweyneyaasha Maamul-gobolleedyada Soomaaliya, ayaa lagu amaanay habsami u socodka Ololaha Doorashada Somaliland, waxaana lagu sheegay in Somaliland ay ka jirto Xasilooni-siyaasadeed,
“Waxaan ku Bogaadinaynaa Somaliland Habsami u socodka ololaha Doorashada oo ay ka muuqato Xasilooni Siyaasadeed.” Ayaa lagu sheegay War-murtiyeedka ka soo baxay Shirkaasi, kaasi oo intaa ku daray “Waxaanu rejaynaynaa in ay si nabad gelyo ah ku dhamaato (doorashada Somaliland..”
Waa markii ugu horreysay ee Dawladda Soomaaliya ay bogaadiso Dimuqraadiyadda iyo Xasiloonida ka jirta Jamhuuriyadda Somaliland oo Soomaaliya Madax-bannaanideeda kala soo noqotay 1991-kii.
Berberatoday.com