Gaza(Berberatoday.com)-Dadka ku nool magaalada Qudus gaar ahaan degmada Ummal Faxam ayaa waxay aad u qaadaa dhigeen khudbadii Jimcaha ee uu soo jeediyay Imaamka iyo khadiibka Masaajidka Al-sharfa.

Sababta keentay in khudbadaasi ay shacabka halkaasi ku dhaqani fallanqeeyaan ayaa waxay tahay inuu imaamku khudbadii Jimcaha kusoo koobay oo kaliya “Dalku Nabad ma aha, sababtuna waa inaga, xalkuna waa inaan is gacan qabsano oo nabada u wada istaagno”, intaasi kadib ayaa Sheekhu waxa uu yidhi “Salaada hala aqiimo, khudbadan ayaa lagu tilmaamay inay tahay khudbadii Jimcaha ee ugu gaabneyd ee Imaam masaajid kusoo qaato khudbada Jimcaha, magaalada Ummal-faxam ayaa waxa ka taagan dhibaatooyin dhinaca amniga ah, sidoo kalena waxa muddooyinkan dambe kor u kacay dhaca iyo boobka ka taagan magaaladaasi, waana sababta keentay inuu Imaamku khudbadiisa Jimcaha kusoo koobo 10 eray oo kaliya.