|
|
Hargeysa(Berberatoday.com)-Murrashaxii Xisbiga Mucaaradka ah ee WADDANI ee doorashada lagaga guulaystay Cabdiraxmaan Maxamed Cabdilaahi Cirro ayaa tan iyo intii lagu dhawaaqay natiijadii doorashadii madaxtooyada Somaliland ee dalka ka qabsoontay 13-kii Bishii Nofeember ee dhamaatay kadib waxa uu safar ugu baxay magaalada Nairobi ee caasimada dalka Kenya.
Murrashaxx Cabdiraxmaan Cirro ayaa baxay Doraad,ujeedada socdaalkiisana wax war ah kamay soo saarin xisbiga mucaaradka ah ee WADDANI,balse xogoha aan helayno ayaa tibaaxaya in safarka Murrashax Cirro uu yahay mid Shakhsi ah isla markaana ay ku waheliyaan qoyskiisu.
Murrashax Cirro ayaan warbaahinta la hadal,waxaana warbaahinta ugu danbaysay habeenkii uu shaaciyay in uu danta Qaranka ee guud uu u aqbaly natiijadii doorashada oo uu sheegay in ay ahayd mid madmadow badan uu ku jiray.
Madaxweynaha la doortey Md Muuse Biixi Cabdi iyo Musharaxii uu ka guuleystay ee Cabdiraxmaan Ciro Ayaan wali yeelan kulan fool ka fool ah marka laga reebo xabaal dusheed oo ay salaan iskula holadeen hadalo kaftan ubadana is weydaarsadeen
Ilaa hada lama oga in Musharax Ciro soo laaban doono oo uu ka qeyb gali doono xaflada caleemo saarka madaxweynaha la doortey Muuse Biixi oo qabsoomi doonta 14.12.2017
hase yeeshee waxa ay umuuqataa inuu ka muquuranayo ka qeyb galaka Xaflada caleema Saarka Madaxweynaha shacabka Somaliland doorteen Mudane Muuse Biixi Cabdi
Berberatoday.com