Wajaale(Berberatoday.com)-Maxkamadda Gobolka Gabiley, faraceeda Degmada
Wajaale ayaa Shalay soo bandhigtay 721 Litir oo Maandooriyaha Khamriga ah, kaasi oo
lagu qabtay Dad iskugu jira Reer Somaliland iyo ajaanib.
Khamrigan oo marka isku daro noqonaya Saddex Foosto in ka badan, ayaa waxa
Ciidammada Booliisku ku qabteen 25 Qof oo Saddex Keliya yihiin Itoobiyaan, halka inta
kalena ay yihiin Dad u dhashay Somaliland, kuwaasi oo doonayey inay Khamrigan oo ka
keeneen dalka Itoobiya inays oo geliyaan Gudaha Somaliland.
Guddoomiyaha Maxkamadda degmada Wajaale Cabdikariin Cumar Cabdi oo ka hadlay
Goobtii Khamriga lagu soo bandhigay isla-markaana lagu burburiyey ayaa yidhi “Halkan
waxa yaalla Khamri dhan 721 Litir, waa Saddex Foosto iyo badh Khamri gaadhaya.
Khamrigaa dhammaantii waxa lagu soo qabtay Dad reer Somaliland ah, dhammaan
Dadkaa la xukumay oo 25 agaa waxa ka mid ahaa Saddex Ajaanib ah. Dhammaan 25 kaa
Qof waxa lagu kala xukumay Xukunno u dhexeeya 4 Sannadood illaa Lix Bilood.”
Guddoomiyaha Maxkamaddu waxa kale oo uu sheegay “ILAAHAY wuxuu yidhi ‘Khamrigu
waa Hooyada Xumaanta.” Ayuu yidhi, waxaanu intaa ku daray “Waxaan aad ugu Mahad-
naqayaa Ciidammada Booliiska ee Wajaale oo aad uga hawl-gasha qabashada
Maandooriyaha.”
Taliyaha Ciidammada Booliiska ee Degmada Gabiley Diin-qale oo isaguna halkaa ka
hadlay ayaa sheegay in Dambiileyaasha Maxkamaddu xukunnada ku ridday intooda badan
ay ku jiraan Xabsiga dhexe ee Magaalada Gabiley, marka laga reebo Xubno kooban oo weli
ku jira Saldhigga Booliiska ee degmada Wajaale.
Guddoomiyaha Degmada Wajaale Xaashi Maxamuud Cabdi oo isaguna goobta ku sugnaa
isla-markaana hadal kooban ka jeediyey ayaa Xukuumadda ka codsaday in wax laga
beddelo Ciqaabta la mariyo Dadka lagu qabto khamriga, maaddaama oo Dadka Khamriga u
iib keena Somaliland ay soo badanayaan “Xukuumadda waxaanu ka codsanaynaa in dib
loogu noqdo Xeerka lagu xukumo Dadka Khamriga ka Ganacsada, waa in laga soo saaraa