Waxaana wada hadalada la sheegay in loo kala dab qaaday kadib isla markaana dalka Jabuuti uu noqdo dalka fura wada haladii hakadka galay , Madaxweyne Biixi iyo madaxweyne Farmaajo ayaa waxaa kale oo la sheegay in ay isla garteen in Turkiga lagu koobin marti galinta wada hadalada Somaliland iyo Somaliya maadamada oo aaney wada hadaladii Turkiga lagu qabtey aaney waxba ka soo bixin

Fikirkan oo la sheegay in uu watey Madaxweyne Muuse Biixi ayaa la sheegay in madaxweyne Farmaajo ka war wareegay lakiin uu aakhirkii aqbalay markaas waxaa ay dawlada Jabuuti noqon doontaa dawlada bedeli doonta dalka Turkiga .

Shacaba iyo siyaasiyiinta Somaliland ayaa aaminsan in dawlada Turkigu dhex dhexaad aaney ka aheyn wada hadalada Somaliland iyo Somaliya , lakiin dawlada Jabuuti lafteeda ayaa si cad u aaminsan waxii la odhan jiray midnimadii Somaliya ee luntey sanadkii 1991-kii , waxaana madaxweyne Ismaciil CumarGeele dhawr munaasibadood ka cadeeyey arigtidiisa , waxuuse ku ladhaa in Mustaqbalka Somaliland iyo Somaliya uu u yaalo dadka Soomalida Ah.

Madaxweyne Muuse Biixi Cabdi ayaa socdaalkiisii ugu horeyeey waxaa uu ku tagay dalka Jabuuti oo uu kala soo kulmay madaxweyne Ismaciil Cumar Geele , sidoo kale madaxweyne Farmaajo ayaa isna dhawr safar ku tagay dalka Jabuuti oo uu kula kulmay madaxweyne Ismaciil Cumar Geele .

Wada halada Somaliland iyo Somaliya oo bilaabmey sanadkii 2012-kii oo aheyd markii madaxweyne Siilanyo talada dalka hayeymuddo laba sanadood ah , ma jiraan wax macno leh oo ka soo baxay marka laba reebo shirar labada wafti dhex maray iyo heshiisyo la saxeexo oo u muuqda mid miiska wada hadalka lagaga yimaado

Source:- Geeska