|
|
Bairut(Berberatoday.com)-Da’yarta qaarkood ayaa waxay ku kacaan falal aad u fool xun oo cawaaqibka ka dhallanayaa noqonayo kuwa aan waligood ka daba hadhin qofka ku kaca amase geysta.
Dalka Lubnaan ayaa waxa ka dhacday dhacdo aad u fool xun oo gilgishay qulluubta dadka damiirka leh ee dalkaasi ku dhaqan, dhacdadan ayaa waxay tahay in wiil da’yar ah oo u dhashay dalkaasi uu qudha ka jaray Aabihii isla markaana uu ku gawracay mindi kadib markii uu ka waayey lacag uu weydiistay.
Ciidammada dambi baadhista ee dalkaasi Lubnaan ayaa waxay tageen goobtii uu ka dhacay falkaasi oo magaceeda la yidhaahdo Balxas.
Ciidammada dambi baadhista dalkaasi ayaa markii meydkaasi gacanta ku soo dhigeen waxay u kuur galeen sidii ay gacanta ugu soo dhigi lahaayeen dhagar qabihii falkaasi geystay waxaanay muddo 48 saacadood ah ku ogaadeen qofkii falkaasi geystay waxa aanu noqday wiil uu dhalay ninkaasi meydkiisa la helay, isagoo wiilkaasi qirtay inuu aabihii dilay kadib markii uu u diiday lacag uu weydiistay.
Berberatoday.com