|
|
Manchester(Berberatoday.com)-Ciyaaryahanka kooxda kubada cagta Manchester United Paul Pogba ayaa la sheegayaa in uu qorsheynayo ka tagitaabnka naadigiisa marka uu dhamaado xiligan.
Paul Pogba oo Manchester United kusugnaa wax ka yar laba Sano markii ay lacagtii ugu badanayd kaga soo qaateen Juventus ayaa lasheegayaa in uu u sheegay wakiilkiisa in uu u baadi goobo kooxdii uu u ciyaari lahaa marka uu dhamaado xiligan.
Wargeyska The Mirror ayaa daabacay in Pogba uusan ku qanacsanayn qaab ciyaareedka Macalinkiisa Jose Mourinho kaas oo kursiga keydka ku soo bilaabay ciyaartii ay la ciyaareen kooxda Sevilla sidoo kalana uu bedelay dhawr kulan oo Horyaalka dalka England ah.
Ninkan ayaa badal ku soo galay ciyaartii koobka Horyaalada yurub ee Manchester United la cayaartay Sevilla markii 17 daqiiqo uu dhaawac soo gaadhay Ander Herrera balse qaabka uu u ciyaaray kuma qancin Macalin Jose Mourinho.
Pogba oo ah Ciyaaryahanka ugu qaalisan Manchester United ayaa tan iyo markii uu ku soo laabtay kooxda England waxa uu dhaliyey 12 Gool 16 na caawiyey isaga oo u saftay 82 kulan balse hada mugdi weyn ayaa galay mustaqbalkiisa Man United.
Khadar Dirir