|
|
Taniyo intii xaalka Dawlada Itoobiya faraha ka baxay waxaa halkoodii kasii socda khilaafka xoogan ee u dhaxeeya kooxda magac uyaalka ah ee loosoo gaabiyo EPRDF ayadoo la isku khilaafsan yahay cidii noqon lahayd Raysal wasaaraha dawlada fadaraalka Itoobiya.
Maamulka Oromoda OPDO ayaa waxay u doorteen Dr. Abiy Ahmed, Gudoomiyaha ururka OPDO waxaana ku xigeen u noqon doona Lama Magersa sidoo kale hadii Raisal wasaare loo doorto Dr Abiy Ahmed ayaa wuxuu noqon doonaa Gudoomiyaha EPRDF ee xisbiga fadaraalka itoobiya.
Xukuumada itoobiya ayaa waxaa u dhaxeeya khilaaf xoogan oo aad u badan waxaana la isku haystaa cidii Maamulka qaban lahayd.
Raisal-wasaarihii hore ee Itoobiya Hailamariam Dessaleign ayaa isu casilay culays siyaasadeed oo aad u badan kadib markii guud ahaan ba xukuumada itoobiya ay ku fashilantay in kacdoonka ay xal u helaan.