|
|
Hargeysa(Berberatoday.com)-Cabdikariin Axmed Mooge oo ah Aqoonyahan falanqeeya arrimaha Bulshada, Dhaqaalaha iyo Siyaasadda, ayaa Waraysi uu siiyey Telefeshinka Somalinews, waxa uu kaga warramay qodob ka mid ah go’aammo ka mid ahaa go’aammo ka soo baxay Shirkii Golaha Wasiirrada Xukuumadda Somaliland ee Khamiistii inna dhaaftay ka qabsoomay Madaxtooyada oo lagu sheegay in tixgelin la siiyo Beelaha laga tirada badan yahay iyo Haweenka marka Hay’adaha Dawladdu shaqaale cusub qaadanayaan, Shirkadda Maalgashi ee Xukuumaddu sheegtay in Dawladda Somaliland leedahay oo Dubai laga diiwaangeliyey.
Waxa kale oo uu Cabdikariin ka hadlay Fashilka iyo Musuqa ku yimi Mashruucii Biyaha Hargeysa ee Xumbo-weyne, Halista Shirkadda DP World ee Dekedda Berbera lagu wareejiyey sannadkii hore iyo dhismaha Saldhigga Millateri ee Berbeera Xukuumaddii hore ka siisay magaalada Berbera iyo weliba go’aanka ay dawladda Jabuuti kaga baxday Heshiiska ay kula jirtay Shirkadda DP World oo gacanta ku haysay Dekedda Daaroole.
Qodobbadaas iyo kuwo kale oo xiiso leh, ayuu Cabdikariin Axmed Mooge ku sheegay Waraysigan oo uu la yeeshay Madaxa Wararka Somalinewstv oo kula kulmay magaalada Hargeysa, waxaannu Su’aalaha Waraysigaas lagu weydiiyey iyo Jawaabaha uu ka bixiyey-ba idiinku soo gudbinaynaa Muuqaalkan hoose ee Daawasho wacan oo wanaagsan:-
Berberatoday.com