|
|
Jeddah(Berberatoday.com)-Waxa hubaal ah in dadka dunida guudkeeda ku nooli ay ku kala duwanyihiin deeqsinimada iyo wax bixinta iyo sidoo kale u damqashada qofka dhiban.
Haweenay u dhalatay Dalka Sucuudiga ayaa waxay meherkeedii ugu deeqday qof bukaan ah oo aanay waxa aqoon ah u lahayn aroosadan ayaa waxa magaceeda la yidhaahdaa Xanaan.
Xanaan ayaa waxay aragtay Nin baraha bulshada ku baahiyay qoraal uu dadka dalkaasi u dhashay ku ogeysiinayey qof bukaan ah oo u baahan in la caawiyo, Xanaan ayaa waxay markii la xidhiidhay ehelkii uu qofka bukaanka ahi ka soo jeeday waxay ugu deeqday Lacag dhan 4,000 oo Dollar waxaanay lacagtaasi ka bixisay Lacagtii meherkeeda.
Xanaan ayaa waxay sheegtay in bixinta lacagtaasi aanay macnaheedu ahayn inay tahay maalqabeen waxaanay tilmaantay inay gacanta ku hayso hooyadeed oo bukaan ah iyo walaaladeed oo ay biiliso isla markaana ay lacagtaasi u baahneyd, balse ay ka adkeysan kari weyday xaaladda qofkaasi bukaanka ah
Berberatoday.com