berberatoday.com
“Maxaynu Ugu War-wareegaynaa ZAAD Iyo E-Dahab, Dawladdaa Meelaha Qaar Dollar Ku Qaadda Cashuurta Oo Aan Kaa Qaadayn Shilinka’e….”
March 22, 2018 - Written by Berbera Today

Dood Adag oo ka taagan Cidda leh Masuuliyadda Sicir-bararka Dollarka iyo Qiime-dhaca Shilinka & Xildhibaan si qoto dheer uga hadlay 

Hargeysa(Berberatoday.com)-Dood adag baa ka taagan Cidda leh Masuuliyadda Sicir-bararka Dollarka iyo qiimaha dhaca Shilinka Somaliland, ka dib markii amar Dawladda ka soo baxay hoos loogu dhigay Adeegsiga Adeegyada Casriga ah ee ZAAD iyo E-DAHAB oo loo mallaynayey inay Dollarka la isugu diraa Taleefanka Masuul ka yahay Qiimaha dhaca Shilinka Somaliland, ay waxba ka beddeli waayeen Sicir-bararka.

Xildhibaan Ibraahin Jaamac Cali (Rayte) oo ka mid ah Mudanayaasha Golaha Wakiillada Somaliland oo arintan aragtidiisa ka dhiibtay, ayaa Masuuliyadda Sicir-bararka Lacagta Dollarka iyo Qiimaha dhaca Shilinka Somaliland ku eedeeyay Xukuumadda Somaliland.

Xildhibaan Rayte oo ka mid ahaa Xildhibaanno Dooddooda ka dhiibtay dhibaatada Sicir-bararka fadhigii Golaha Wakiillada Somaliland ee Shalay, kaasi oo uu Guddoominayey Guddoomiyaha Golahaas Md. Baashe Maxamed Faarax, ayaa sheegay inaanay sal u ahayn Sicir-bararka Qiimaha Doollarka iyo Muceeshadda Shirkadaha Isgaadhsiinta iyo Ganacsatadu, balse Masuuliyadda koowaad ay leedahay Dawladda Somaliland oo doorkeedii hoggaamineed ee Lacagta iyo qiimeheeda ay gabtay sida uu ku dooday “Anigu waxaan qabaa Arrintu maaha arrin ku xidhan shirkado, Ganacsato iyo Sarrifleyaal. Dollarku markuu joogo Somaliland wuxuu qabtaa laba shaqo, mar waa Badeecad, waa wax suuqa yaalla oo la kala iibsado, markaa qiimihiisu wuxuu ku xidhan yahay baahida loo qabo iyo sida loo helayo, taasina waa Qaanuunka Ganacsiga, marna isaga ayaynu Dibedda wax kaga soo iibsanaa. Dollarku shaqadaas oo keliya ma qabto ee wuxuu beddelay Lacagteennii, shaqadii ay qaban lahayd Shilinka Somaliland ayuu hadda qabtaa Dollarku oo waxbaa lagu kala iibsadaa, waxa ugu yar Inanka yar ee Kabaha ii baalasheeyaa Dollar buu qaadanayaa, Kiradii Guryaha, Iskuullada, Jaamacadihii waxa lagu bixinayaa Dollar, Dhulka waxa lagu kala iibsanayaa Dollar, Xitaa Dawladda ayaa meelaha qaar Dollar ku qaadda Cashuurta oo aan kaa qaadayn Shilinka, markaa baahidii Dollar-ka ayaa badanaysa, weliba Lacagta dibedda wax lagaga soo iibsado ee Dollarka ah, waxa ka badan ta suuqa dhex wareegaysa ee wax lagu kala iibsanayo, baahidii Shilinka Somaliland loo qabanayna way yaraanaysaa, sidaasi oo kale Lacagtii Shilinka ahayd ee suuqa taallay way ka badanaysaa intii baahida loo qabay.”

Xildhibaan Rayte waxa kale oo uu sheegay “Miisaaniyaddeena waxaynu ku xisaabinaa Dollar, Shirkadaha iyo Cid kastaaba waxay ku xisaabtantaa Dollar.” Ayuu yidhi, waxaanu intaa ku daray “Hadday sidaa tahay, waxa meesha ka maqan Sharcigii lacagta, lacagteenu Dahab kuma fadhido, Sonkor kuma fadhido, waxay ku fadhidaa awood dawladeed, markaa waa inay Dawladdu hirgelisaa (Lacagta) oo Dalka aan wax lagu kala qaadan waxaan Shilinka ahayn, waa in la dhaqan-gelinayaa Sharcigii Lacagtan lagu hirgelinayey, Dalka gudihiisana laga mabnuucaa in wax lagu kala iibsado Lacag aan ta Somaliland ahayn. Maxaynu ugu war-wareegaynaa ZAAD iyo E-Dahab, innaga oo taagan ayaa Lacag kale meesha ka shaqaysaa, markaa Nin dibedda wax ka soo iibsanaya mooyaane Nin Gudaha joogaa Dollar u baahan maayo.”

Xildhibaanku wuxuu sheegay inay khalad tahay in Xukuumaddu soo daabacdo Lacag iyada oo aan Baarlamaanka geynin soo jeedin ay ku dalbanayso.

 

 

 

Berberatoday.com

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- ASKAR'S BLOG
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- durdurnews
- Farshaxan
- Gabileynews
- Gabiley24
- GabIleytoday
- Gamuur Trading Company
- Gardo
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- Murtimaal
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SalalNews
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- sooyaal
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews