Hargaysa(Berberatoday.com)-Dhalinyarada Hiilka Caasimada ayaa waxa ay deeqo kala duwan gaadhsiiyeen Xarunta Agoomaha ee Magaalada Hargaysa deeqdaas oo ka koobnayd agabka waxbarashadda noocyadiisa kala duwan, agabka kubbada Cagta iyo agabka Caruurtu ku ciyaarto. Ugu horeyn qaar ka mid ah Dhallinyarta Hiilka Caasimada oo munaasibadaas ka hadlay ayaa ka war bixiyey Ujeedooyinka iyo mabaadi’da Dhallinyarta ku bahoobey Hiilka Caasimada. Sidoo kale waxa ay madasha ka sheegeen faa’idada ay leedahay in bulshadu barato baraanijyadda iskaashiga iyo iskaa wax u qabsadda ahi leedahay, iyagoo u mahad naqay Agaaasimaha Xarunta Agoomaha sidii quruxda badnayd ee ay usoo dhaweysay. Ugu dambeyntiina waxa madasha hadallo mahad naq, gubaabin iyo talooyin ahba madasha ka jeedisay Agaasimaha Xarunta Agoomaha Hargaysa Marwo Caasha Maxamuud Qaalib iyadoo ka gudoontay Dhalinyartaasna Deeqdii ay soo gaadhsiiyeen Xarunta Agoomaha. Halkan hoose ka daawo muuqaalka