|
|
Garoowe(Berberatoday.com)-Maamulka Puntland ayaa dil ku xukumay askari dhowaan usoo
goostay dhinaca Somaliland,kaas oo maamulkaasi Garoowe kala soo goostay gaadhi qoryo saaran yihin.
Ninkan oo lagu magcaabo Maxamed Maxamuud Yuusuf ayaa hore uga tirsanaa ciidamada Puntland, waxaanu derejo ahaan haystay Laba xidigle, iyada oo markii uu Somaliland yimidna laga dhigay Kabtan, waxaana xukunka dilka ah ku riday guddoomiyaha Maxkamadda sare ee Ciidamada Puntland Sareeye Guuto Saciid Abyan Cigaal, waxaanu xukunkaas raaciyey Guddoomiyaha maxkamaddu in cidii soo qaba la siin doono qadar abaal marin ah.
Ninkan ayaa lagu soo dhoweeyey magaaladda Hargeysa iyada oo ay munaasibadda soo dhoweyntiisa goob joog ka ahaayeen saraakiil sar sare oo ka tirsan taliska guud ee ciidamada Somaliland, kuwaas oo uu hormuud u ahaa taliyaha ciidamada Qaranka Somaliland, sidoo kalena waxa goob joog ka ahaa wasiirka Difaaca Somaliland.
Halkan Hoose Ka Daawo Muuqaalka Askarigan Soo Goostey
Berberatoday.com