berberatoday.com
Hargeysa”Dhallinyaro Baangado Ku Hubaysan Oo Duhurka Cad Badhtamaha Suuqyada Dadka Ku Baadhanaya
April 9, 2018 - Written by Berbera Today

Hargeysa(Berberatoday.com)-Dadka Shacabka ah ee ku dhaqan Caasimada Somaliland ee Hargeysa ayaa maalin walba la kulmo falal budhcadnimo oo ay ku kacaan dhalinyaro bahalawday oo baangado ku hubaysan kuwaasi oo si arxandaro ah ugu khasba inuu qofku waxa uu haysto ku wareejiyo iyagoo marar qaarna dadka gaadhsiiya dhaawacyo dhimasho sababi kara.

Image result for Hargeysa

 

 

Falalkan ayaa bilihii u dambeeyay si xawli ah ugu soo badanaya Caasimada Somaliland ee Hargeysa,iyadoo arinta ugu layaabka badani tahay iyagoo falalkani markii hore lagu yaqaanay wakhtiyada habeenkii inay dhacaan,balse imika ay isku badaleen kuwo hadh iyo Habeen dhaca. Nin ka mid ah Ganacsatada Badhtamaha Hargeysa Meheradaha ku leh oo lagu magacaabo Mustafe Muxumed Caabi oo Wargeyska Foore u waramay ayaa sheegay inuu duhur Cad uu la kulmay Fal noocan oo kale oo ay kooxo dhalinayaro ahi ku baadhanayaa nin shacab ah oo inta ay Meel wiicsin ah la tageen ka soo hurgufteen wixii uu lacag iyo agab haystay iyagoo sidoo kalena ka kala hadhay Mobile-kiisii gacanta intay waliba wixii Lacag ah ee Mobileka ugu jirtay kala baxeen ee ay meel u dirteen. Waxa uu sheegay in markii uu arkay falkaasi uu isagu isku difaacay dhagax islamarkaana uu markii dambe cagahiisa kaga baxsaday.

Sidoo kale Haweenay lagu magacaabo Hodan Axmed oo ku nool xaafada Shacabka ee Hargeysa ayaa Wargeyska Foore u sheegtay in goor barqonimo ah oo ku beegnayd abaaro 7:20 aroorimo oo ay ku socotay goob ay ka shaqayso oo Suuqa hoose ku taala, in iyadda iyo haweenay kale oo markaa lug ku marayay Meel ku beegan Dhakhtarka Weyn ee Hargeysa dabadiisa ay wadada badhkeeda u istaageen laba nin oo Tooriyo ku hubaysan kuwaasi ku khasbay inay wixii agab ee ay siteen ku wareejiyaan,iyadoo sheegtay inay gacanta ka galiyeen mobiladii iyo Boorsooyin oo ay woxogaa lacag ahi markaasi ugu jirtay,waxa ay gabadhani Wargeysa Foore u sheegtay inay labadaasi nin ee tooriyaha ku hubaysnaa ay sidoo kale haweenaydii kale ee la socotay ay kala baxeen laba fargal oo dahab ah oo ay markaasi xidhnayd. Waxa ay Haweenaydani intaasi ku dartay in wakhtigaasi la baadhanayay ay dad kale wadada marayeen islamarkaana aanay cidina ka qaban oo aanay wax gurmad ah u fidin.

Sidoo kale Cabdishakuur Axmed Yaasiin oo ka mid ah Ganacsatada Suuqa Hargeysa oo Shalay Wargeyska Foore la soo xidhiidhay ayaa ka dayriyay Falalkan Bahalnimada ah oo uu sheegay inay ku soo badanayaan caasimada Hargeysa waxaana uu sheegay inuu Shalay aroornimadii jid uu marayay oo markaasi Qiyaastii u dhawaa Isgoyska Togdheer ee Magaaladda Hargeysa uu kula kulmay Nin shacab ah oo ay rag tooriyo ku hubaysani ku baadhanayeen Meel jidka ka weecsan. Waxa uu sheegay in arintaasi Cabsi iyo wal wal culus ku riday isaga iyo intii markaasi halkaasi maraysay ee indhaha qac ku siisay, waxaana uu laamaha amniga Somaliland ugu baaqay inay hawsha balaadhiyaan, xisaabtana ku darsadaan sidii ay falalka noocan oo kale ah oo amni daro horseedi kara wax uga qaban lahaayeen.

Falalkan ayaa ku soo badanaya Guud ahaan Caasimada Hargeysa waxaanay ku kaliftay dadka shacabka ah inay Guryaha kaga tagaan Agabka qaaliga ah oo aanay Suuqa u qaadan

 

 

 

Berberatoday.com

COMMENTS
- A. N. & Horumarka
- Afka Hooyo
- Afnugaal
- Aftahan
- Alaybadday
- Aljazeera
- Aljzeera English
- Allaybday
- Almisnews
- altaqwaa
- Amiin Caamir
- Araweelo News
- ASKAR'S BLOG
- awdalpost
- BBC SOMNALI
- Berberatoday
- Berberapress
- Burao university
- Burco Online
- Caroog
- djiboutimedia.com
- Djiboutination
- durdurnews
- Farshaxan
- Gabileynews
- Gabiley24
- GabIleytoday
- Gamuur Trading Company
- Gardo
- Geeska.net
- Goljano
- haatufnews
- Hadhwanaagnews
- Hayaannnews
- hornjobs
- Hubaalmedia
- Hargeysa-online
- hoyga suugaanta
- jamhuuriya news
- Murtimaal
- Ogaalnews.Net
- Oodwayne News
- puntboys
- qarannews
- Qodaalnews
- Qtlhost Website
- Raadtv international
- Radio somaliland
- Radio Timacade
- Radiohargeysa
- RadioHargeysa24
- Ramaasnews
- Saaxilnews
- SalalNews
- Sallaxlaynews
- Sanaag.org
- Sanlaawenews
- sdwo
- sheekhumal.net
- Somalilandpress
- Somdaily.com
- Somaligoal.com
- Somaliweyn
- sooyaal
- Timacade News
- TogaHerer
- Togdheernews
- tvSomalilandEurope
- Waaheen
- Wanaagfaris
- warya Tv
- Watershed Legal Service
- WAJAALENEWS
- www.caalaminews.com
- www.radiohargaysa.net
- www.Timacade.com
- Xidigtanews
- XOGDOON NEWS
- Xoriyonews