|
|
Moscow(Berberatoday.com)-Dowladda Ruushka ayaa digniin u dirtay dhiggeeda
Mareykanka waxaana ay u sheegtay in aysan ku fududaan weerar ay ku qaaddo dalka Syria.
Danjiraha Dowladda Ruushka u fadhiya Dalka Lebanon Alexander Zasypkin,ayaa sheegay in Ciidanka difaaca Ruushka ay xaq u leeyihiin in ay soo ridaan Gantaallada Mareykanka sidoo kalena bur buriyaan Saldhigyada laga soo gano haddii uu Mareykanka tallaabadaas qaado.
Alexander Zasypkin,waxaa uu sheegay in Ciidanka Ruushka ee jooga Syria iyo kuwa Syria ay ku jiraan Heegan sare islamarkaana uusan jiri doonin Gantaal Mareykanku riday oo ku dhaca dhulka Syria iyada oo ay xigi doonto bur burinta saldhigga laga tuuro.
Hadalkan waxaa uu soo baxay iyada oo dowladda Mareykanka ay ku hanjabtay in ay tallaabo Milatari uga jawabai doonto weerar Kiimiko loo adeegsaday oo ka dhacay magaalada Duuma ee Bariga Quuta.
Mareykanka ayaa sheegay in isaga oo kaashanaya Isbeysiga NATO ay jawaab rasmi ah ka bixin doonaan weerarkaas oo lagu eedeeyay Dowladda Syria hayeeshee ay beenisay.
Berberatoday.com