|
|
Madrid(Berberatoday.com)-Raysal-wasaarihii Dalka Spain Mariano Rajoy ayaa shaqadii laga eryay kadib markii ay codka kalsoonida uu u qaaday Baarlamaanka dalka Spain.
Hoggaamiyaha xisbiga hanta-wadaaga Pedro Sanchez oo baarlamaanka geeyay mooshin ka dhan ah Raysal-wasaaraha kuna eedeeyay musuqmaasuq ayaa noqonaya ra’iisul wasaaraha cusub ee dalka Spain.
“Waxaan bilaabaynaa bog cusub oo ah taariikhda dimuqraadiyadda dalkeena..” ayuu yidhi Raysal-wasaaraha cusub ee Dalka Spain
Mr Rajoy ayaa noqonaya ra’iisul wasaarihii ugu horeeyay ee taariikhda cusub ee dalka Spain ee waaya codka kalsoonida ee baarlamaanka dalkiisa.
Hoggaamiyaha xisbiga muxaafadka Mr Rajoy ayaa ahaa ra’iisul wasaaraha dalka Spain tan iyo sanadkii 2011.
Baarlamaanka Spain ayaa labadii Maalmood ee u dambeeyay ka doodayey Mooshinka ka dhanka ahaa Mr Rajoy ee uu u gudbiyey Hoggaamiyaha xisbiga hanta-wadaaga Pedro Sanchez, dooddaasi oo Maanta ku soo dhamaatay inuu codka kalsoonida waayo Raysal-wasaare Rajoy.
Raysal-wasaaraha Xilka ka degaya iyo Xukuumaddiisa ayaa lagu eedeeyay Musuqmaasuq baahsan.
Berberatoday.com