|
|
Berbera(Berberatoday.com)-Labadii Sanadood ee Udanbeeyay waxaa xidhnaa Guud ahaan Dhoofka Xoolaha nool ee Somalida kuwaas oo loo iib gayn jiray wadamada Carabta gaar ahaan dalka Sucuudi Carabiya oo xoolaha Somalida inta ugu badan qaadan jiray.
xiligan imika lagu jiro oo Moosimkii Xajku uu fooda inagu soo hayo ayaa waxa la furay Xoolihii Somalida ee Xiliga xajka La dhoofin jiray tujaarta carabeed ee xoolaha Somalida iibkooda caanka ku ahaa ee kala ahShalawi, Caadil,Khalafi Iyo Ganacsadaha ugu caansan ee Saleebaan aljaabiri aya xoolahan sanadkan ee Xajka oo tiradooda lagu qiyaasay in kabadan laba milyan oo neef ka dhoofin doona dekeadaha Somalida xoolahaas oo intooda badani ka dhoofi doonaan dekeda caalamiga ah ee Berbera.
Maxjarada xoolaha Lagu ee Berbera ayaa saaka waxa ka socotay shaqo xoogan oo lagu caafimaadinayo xoolaha La dhoofin doono habeenada soo Socda ee moosimka xajka waxaana halkaas shaqooyin kala duwan ka hayay dhalinyaro reer Somaliland ah oo xiligan oo kale shaqooyin kala duwan ka hela dhoofka xoolaha.
dhakhaatiirta caafimaadsi xoolaha oo dhalinyaro jaamacadaha kasoo baxay ubadan ayaa iyaguna shaqooyin talaalid ah iyo eegida caafimaadka xoolaha ah halkaasi ka waday sidoo kale gaadiidka waaweyn ee xamuulka ah ayaa iyaguna seyladaha Burco iyo Hargeysa xoolaha kasoo daabulaayay oo soo laba dhigaayay maxjarada xoolaha ee Berbera.
Sidoo kale xiliga dhoofka Xooluhu Berbera ka bilaamo waxa camirata guud ahaan magaalada Berbera sida Hutelada iyo goobaha ganacsiga oo dakhliga kasoo xerooda lacagta xooluhu wada gaadho iyada oo dad badani siyaabo kala duwan shaqooyin uga helaan.
xoolaha La furay ayaa ah kuwa xajka oo kaliya oo tiradooda lagu qiyaasay Laba Milyan oo naaf oo ka kala dhoofi doona dekedaha Somalida inta ugu badanina ka dhoofi doonto Dekeda caanka ku ah dhoofka xoolaha nool ee Somalida ee Berbera lamana oga inay dhoofkii xoolaha ee caadiga ahaa la furi doono.
Berberatoday.com