|
|
Madaxwayne Muuse Biixi Iyo Wasiir Maxamed Kaahin Oo Muddo Dheer Saaxiibo Siyaasadeed Ahaa Oo Fiintu Dhex Miranayso
Hargeysa(Berberatoday.com)-Madaxwayne Muuse Biixi Cabdi Iyo Wasiirka Arimaha Gudaha Somaliland Maxamed Kaahin ayaa la sheegay inuu ka dhex qarxay khilaaf ba’an oo la xidhiidha Xalinta Shaqaaqada Ceel-afwayn, kaas oo ilo wareedyadu sheegayaan in Madaxwayne Muuse Biixi iyo Wasiir Maxamed Kaahin ay si weyn iskugu khilaafeen ka dib markii uu madaxwaynuhu qaatay talo soo jeedintii beesha habar yoonis isla markaana ay ku dadafeeyeen dhex dhexaadnimada maxamed kaahin.
Ma jiro war rasmiya oo ka soo baxay Labada masuul oo xaqiijinaya inuu jiro khilaafkaasi, hase yeeshee ilo xogogaal ah oo u dhuun daloola Qasriga Madaxtooyada ayaa Shabakada Taxane News u sheegay in khilaaf weyni ka dhex taagan yahay Madaxwaynaha iyo wasiirkiisa arimaha gudah.
Wasiir Maxamed Kaahin oo horaantii todobaadkii hore kasoo guryo noqday caasimada somaliland kadib markii uu mudo ku sugnaa degaanka ceel-afwayn ayaa ilo-wareedyadu sheegeen inuu Gaashaanka ku dhuftay dalab kaga yimid Madaxwaynaha oo la sheegay inuu soo jeediyey inuu xalinta colaada ceel afwayn u Gudi kale u xil saaro , isla markaana la tix geliyo codsigii beesha habar yoonis ee ay wasiir maxamed kaahin ku dadafeeyeen, taas oo la sheegay in Wasiir Maxamed Kaahin ku adkaystay inaan la raacin dalabka madax dhaqameedka beesha ee dowlad ahaan loo mareeyo xalinta shaqaaqada ceel afwayn
Dhinaca kale wasiirka Arimaha Gudaha Somaliland Md Maxamed Kaahin oo aanu xalay Khadka Telefoonka kula xidhiidhnay si aanu wax uga weydiino khilaafka iyo guuxa ka dhex taagan Madaxwayne Muuse Biixi iyo Isagaayaanay noo suurto galin, kadib markii uu naga qaban waayay Telefoonkiisa Mobile-ka.
Xigasho Taxanenews.com