|
|
Hargeysa(Berberatoday.com)-Waxaa maanta Dib Xoriyadiisii U Helay Wariye Mohamed Aadan Dirir oo Mudo Sagaal 9 Bilood ah ku xidhnaa Xabsiyada Hargeysa iyo Mandheera Ka dib markii Maxkamada Gobolka Maroodi-jeex ku xukuntay Sanad iyo Lix Bilood iyada oo xiligaas uu Dacwad kusoo oogay Mulkiilaha Dugsiyada Nuuradiin ninka Lagu Magacaaby Mahad Ibraahi Maxamed.
Wariye Maxamed Aadan Dirir oo Goordhaweyd Xabsiga Dhexe ee Hargeysa laga siidayay ayaa waxaa uu ka mid ahaa 511 Maxbuus Madaxweynaha Somaliand cafis u fidiyey Munaasibada Ciidal Fidriga Awgeed.
Xukunka Iyo Xadhiga Wariyahan oo ka dhacay Maxkmada Hargeysa ayaan sifihii sharciga ahaa loo marin xiligii la xidhaayay Iyo Xiliga La Xukumaayayba iyada oo si dagdag ah oo aan dood dacwadan la qaadin islamarkiiba xukun sanad iyo sideed bilooda madaxa loogu galiyay Wariye Maxamed Aadan Dirir oo aan wax danbiyi ku cadaan.
Ururada Xuquuqda Aaadamaha Iyo Xoriyada hadalka udooda ayaa Xadhiga wariyahan Ku tilmaamay mid sharciga baalmarsanaa oo baadil ah.
Ururka Saxaafada Somaliland ee SOLJA ayaan Marnaba Xadhiga Wariyahan ka Hadlin iyada oo wariyaha la Xabsiyay qudhiisuna sheegay in Xadhigiisa uu raali ka ahaa Gudoomiyaha Ururka Suxufiyiinta Somaliland ee SOLJA Maxamud Cabdi Jaamac Xuuto maadama oo aanu marnaba ka hadal xadhigiisa isagoo huwan magacii Suxufiyiinta Somaliland.
Berberatoday.com