|
|
Garowe(Berberatoday.com)-Iyadoo Sabti uu furmayo kalfadhigii 41aad ee Barlamaanka Puntland ayaa Waxaa soo baxaya warar sheegaya in Gudoomiha Barlamaanka iyo inta badan xildhibaanada Puntland ay Wadaan qorshe ay doonayaan in mudada ku kororsadaan xukumadana ugu kordhiyaan taasi oo aan la ogayn wadada ay marayaan madaama aysan jirin qodob dastuuri ah oo u fasaxaya in ay mudada kororsan karaan xukumadana u kordhin karaan madaama labada goleba mudo kooban ka hartay xilhayntooda .
Wararkan oo ilaa xalay si wayn u soo shaac baxay ayaa xubno ka tirsan g Barlamaanka iyo dad xogogaal ah ii xaqiijiyeen in uu socdo qorshe Gudoonka Barlamaanka iyo xubnaha u Ololanaya mudo kororsigu ay doonayaan in ay ku qanciyaan xubnaha diidan ee ka tirsan Barlamaanka inta uusan sabtida furmin kalfadhiga Barlamaanku.
Qorshaan oo mudo badan la hadal hayey ayaa si wayn u soo shaac baxay markii uu soo dhawaaday fadhiga Barlamaanka waxaana dabada ka riixaya xildhibaano aan rajo badan ka qabin in ay markale ku soo laabtaan mid ahaansha Golaha wakiilada Puntland ee soo socda
Wariye Mohamed Said Yusuf
Garowe Putland