Hadaba wararka ay warbaahinta Madaxa banaan ee Somaliland ka helayso magaalada Addis Ababa ee dalka Itoobiya waxaa ay sheegayaan in safaradii Somaliland halkaas ugu taalay ay gabi ahaanteed ba tahay mid madhan oo haawaneysa alababaduna uxihan yihiin waxa shaqo ahina aaney ka soconin isla markaana ay ka maqan yahiin safiirkii iyo safiir ku xigeenkii Somaliland ugu magacow-naa

Safiirka Somaliland ugu magacaaban dalka Itoobiya  Axmed Xassan Cigaal ayaa isagu waxaa uu safar ku jooga magaalada Hargeysa ee caasimada Somaliland .

Halka Safiir ku xigeenkii isna safaradaas Somaliland u qaabilsanaa uu isaguna safar aan ujeedadiisu cadeyn ku tagay shalay magaalada London ee cariga Dalka Ingiriiska .

Safarada Somaliland ee Itoobiya ayaa ay aheyd in ay Shaqooyin dheeraad ah qabto isla markaana ay isku deydo inay Somaliland saameynteeda ku yeelato isbedeladaas Itoobiya ka dhacaya hase yeshee waxa warar hoose sheegayaan in siyaasada raysal wasaaraha cusub ee dalkaasi Itoobiya aanay ku jirin in Somaliland xafiis safaaradeed ku yeelato Addis Ababa Waxaana warar aan la cadayni sheegayaan in amar ka soo baxay Xafiiska Raysal Wasaaraha Itoobiya Ahmed Abyi lagu sheegay in xafiiskaa safaarada u ahaa Somaliland albaabada loo laabo oo la xidho isaga oo rayasal wasaaraha laga soo sheegay inuu yidhi xafiis safaaradeed oo ka somaliya aan ahaynin kaam furnaan karo Itoobiya.

Ilaa Hadda Xukumada Somaliland kamay hadlin ujeedada xafiiskaasi uxidhanyahay labadii masuul ee usareeyayna uga maqan yihiin halaka dad Somaliland udhashay oo Addis Ababa joogana sheegayaa in calankii laga rogay safaaradaas Somaliland ku mlahayd Itoobiya.

Berberatoday.com