Iimaan Yuusuf Iimaan ah nin dhalinyaro ah oo jaamiciya ayaa ahaa nin sharciga iyo maamulka shaqadaba ku adag waxaanu tiraba dhawr jeer diiday amaro uu u arkaayay inaanay sax ahayn oo kaga yimi Maareyaha shirkada DP World ujooga Dekeda Berbera ninka Lagu Magacaabo Supa Jai oo kasoo jeeda dalka Thailand.

Masuulkani ayaa maanta warqada shaqo ka tagistiisa ugudbiyay Maamulka Sare ee shirkada DP World ee Berbera isaga oo sheegay inuu shaqadaas iskacasilay kana tagyo isaga oo aan sheegin sababta ku kaliftay ee dhabta ah balse ka cudurdaartay inuu faahfaahiyo sababtaas.

Waxaana isla maanta shaqadii uu Iimaan Yuusuf Iimaan hayay la wareegay kuxigeenkiisii oo ahaa nin kasoo jeeda dalka Senegal oo lagu magacaabo Habiib.

Waxaana La filaya in Maalmaha soo socda shirkadu cugan doonto Xisaabiye cusub kaas oo la hadal hayo inuu noqon doono mid ajinabiya halka Dadka qaarkood sheegayaan inuu noqon doono Maamulihii hore ee Kastamka Berbera Maxamed Cabdi Gurxan oo dhawaan kamid noqday shaqaalaha shirkada DP World gaar ahaan dhinaca isku Xidhka shirkada DP World Iyo ganacsatada Dekeda Berbera badeecadaha Kala Soo daga.

Masuulkan iscasilaya ayaa ah Muwaadin Somalilander ah oo wadanka debediisa wax kusoo bartay islamarkaan kasoo shaqeeyay shirkado waaweyn oo ka dhisan dalalka USA Canada Iyo Imiraatka Carabta.

Iimaan Yuusuf IImaan Iyo Shirkada DP World midkoodna War dhaafsiisan Iscailaada masuulkan May soosaarin.

Iimaan Yuusuf Iimaan ayaa shirkada DP World ushaqeynaayay ilaa xiligii ay la wareegtay Dekeda Berbera.

Berberatoday.com