|
|
berberatoday.com
Madaxweynaha Dalka Eritrea Isaias Afeworki Oo Booqasho Ku Imanaya Itoobiya
July 13, 2018 - Written by Berbera TodayAddis Ababa(Berberatoday.com)-Dawladda Itobiya ayaa shaacisay in madaxweynaha Eritrea Isaias Afeworki uu bari booqasho ku tagayo magaalada Addis Ababa.
Booqashadan rasmiga ah oo saddex maalmood ah ayuu uga jawaabayaa martiqaad uu ka helay ra’iisulwasaare Abiy Axmed, sida uu Twitterka ku shaaciyay agaasimaha xasiifka Ra’iisulwasaaraha Fitsum Arega.
Booqashadan ayaa diiradda lagu saari doonaa xoojinta calaaqaadka labada dal.
Dhawaan ayay ahayd markii uu Ra’iisulwasaaraha Itoobiya booqasho la yaableh ku tagay magaalada Asmara ee dalka Eritrea.
Booqashadaas ka dibna waxay labada dal shaaciyeen in la soo afjaray colaaddii labaatanka sano dhex taalay labada dal.
Berberatoday.com
COMMENTS