|
|
Addis Ababa(Berberatoday.com)-Booqashada uu madaxweynaha Dalka Eritrea Isias Afwerki uu ku tagay magaalada Adisababa ee xarunta dalka Ethopia waxay noqotay bog kale oo furmay labadaan wadan ee dariska, 20 sano oo colaad dheer iyo dirir xoogani ay u dhaxaysay labadaan Dal waxay labada shacab u fureen bogag cusub oo soo jiitay indhaha dunida, dagaal ku salaysan dhanka xuduuda labada dal oo kala go,ay qarnigii lasoo dhaafay ayaa sababay dhimashada boqolaal kun oo dad ah, sidoo kalena waxaa cunaqabatyn caalami ah kala kulantay dalka Eretrea, Qaramada midoobay ayaa soo dhawaynsay xidhiidhka taarikhiga ah ee labada dal u bilaabmay.
Raisal Wasaree Abiy Ahmed oo dhawaan booqday Asmara ayaa madaxweyne Isias Afwerki iyo weftigiisa kusoo dhaweeyay Adisababa, labada hogaamiye ayaa ka shiri doonaa sidii loo horumarin lahaa xidhiidhka labada dal iyo sidii loo dardargelin lahaa heshiisyada ay dhawaan kala saxiixdeen.
Ethopia iyo Eritrea ayaa waxaa u furmay weji cusub in kabadan 22 sano oo dalalkaa deriska ah ay u dhaxaysay colaado kala duwan, Raysul wasaaraha Ethopia Abyi Ahmed ayaa dhawaan ku dhawaaqday in dhulkii uu muranku ka taagnaa ay uga tanaasuleen Eriteria islamarkaana ay samayn doonaan xidhiidh walaalnimo oo waara.
Xidhiidhka labada dal Ethiopia iyo Eritrea ayaa weji cusub galay, tan iyo markii Ra’iisul Wasaaraha Itoobiya Abiy Ahmed uu qaaday is bedelo taariikhi ah, kaddib markii bishii April loo magacaabay xilka Ra’iisul wasaaraha.
Berberatoday.com