|
|
Rio Dejinero(Berberatoday.com)-Dakhtar caan ku ah qaliinnada la isku qurxiyo oo reer Brazil ah ayaa la xidhay ka dib afar maalmood oo uu baxsad ahaa markii ay dhimatay haweenay ka mid ahayd bukaannadiisa uu qaab qurxinta usameynaayay.
Dakhtarkaas ayaa caan ku ahaa magaca Dr Bumbum oo afsomali ahaan noqonaysa Badhibadhi.
Booliiska ayaa sheegay in ay Dr Denis Furtado ka qabteen magaalada Rio de Janeiro, waxayna u mahadceliyeen cid aysan faahfaahin ka bixinin oo ka gacan siisay soo qabashadiisa.
Lilian Calixto oo ka mid ahayd bukaanadiisa ayaa dhimatay markii uu irbad ku duray, haweenayda dhimatay ayaa dalbatay in badhyaha dabadeeda oo yaryaraa loo kuuskuuso waana farsamada uu dhakahtarakani caanka ku ahaa.
Dr Furtado ayaa wajahaya dacwad dil ah, hooyadii ayaa lala xidhay iyada oo ku eedaysan in ay gacan siisay dhacdadan iyo hawliisa shaqo ee qaab qurxinta haweenka.
Baadheyaasha ayaa sheegay in Dr Furtado uu sancada iyo dawaynta Calixto ku sameeyay guriga uu dagan yahay oo ku yaalla magaalada Rio de Janeiro, ayna xannuunsatay intii uu isku dayayay in uu u kuuskuuso badhyaha dabadeeda.
Haweenayda dhimatay iyadoo qurux raadiska ah ayaa ah 46 sano jirtay waxayna ka tagtay labo carruur ah.
Berberatoday.com