|
|
Hargeysa(Berberatoday.com)-Suldaan Cali Saleeban Maxamed oo kamid Suladiinta Somaliland ee kasoo jeeda Gobolka Saaxil ayaa sheegay inuu Ku raacsanyahay Xildhibaan Siciid Cartan Cismaan in dib loo furo dastuurka dalka Somaliland oo wax ka bedel lagu sameeyo si xal loogu helo cabashada gobolada Galbeedka Somaliland iyo Kuwa Bariga ee ka cabanaya in kurasta Golaha Wakiiladu Ku yaryihiin.
Suldaan Cali Saleebaan Maxamed oo khadka Tilifoonka ugu waramay shabakada Wararka ee Berberatoday.com isaga oo jooga magaalada hargeysa ayaa sidoo kale sheegay ka gobolka Saaxil ahaana ay doonayaan inay helaan Laba Kursi baarlamaan oo xiligii uu Madaxweynaha aha Marxuum Maxamed Xaaji Ibraahim Cigaal uu ka qaaday oo uu siiyay beelaha dega Gobolka Kmida Gobolada dalka isaga oo marxuumku ixtiraamaya kursiga Madaxweynenimo ee uu ku fadhiyay xiligaas ayuu Gobolka ee uu kasoo jeedo oo xiligaa lahaa kuraas 12 kursi oo golaha wakiilada ah uu laba kamida kasiiyay beel kamida beelaha Somaliland oo cabatay sidaasna ay kuraasta Golaha Wakiilada ee Gobolka Saaxil noqdeen 10 kursi ilaa hadana ay yihiin tobankaas kursi,
Suldaan Cali Saleebaabn oo arintaas ka hadlaya ayaa waxa uu Yidhi””Cabashada Kuraasta Golaha Wakiilada Gobolada dalka Ayaanu La Qabnaa waana dareen jira oo ubaahan in wax laga qabto Waxase Noo Dheer Oo anaga gobolka Saaxil ahaan oo Naga Maqan Laba Kursi Oo Xiligii Madaxweyne Marxuum Cigaal Uu Beelaha Kale ka siiyay Gobolka Saaxil oo xiligaas lahaa 12 kursi baarlamaan halka maanta uu leeyahay 10 kursi, Marxuum Cigaal isaga oo ixtiramaya sharafta iyo karaamada kursi Madaxweynenimo ee uu ku fadhiyay ayuu beelo cabasho ula tagay Gobolkayga ayaa idiin ka soo jaraya labad kursi xiligaas waa laga yimi labadaas kursi waa rabnaa cabashada kalena Gobolada dalka ayaanu la qabnaa waana mihiim in kuraasta baarlamaanka la kordhiyaa oo dastuurka la furo wanan ku raacsanahay Xildhibaan Siciid Cartan arinkaas ka hadlay.
Ugu danbayntii Suldaan Cali Saleebaan Maxamed ayaa sheegay inuu ku raacsanyahay Cabashada Gobolada Galbeedka Dalka iyo Kuwa bariga ee doonaya in dastuurka dalka dib loo furo si kuraasta Golaha Wakiilada ee 82 ah loo kordhiyo Gobolada dalkuna uwada qancaan oo xuquuqdooda uwada helaan.
Berberatoday.com