|
|
Muqdisho(Berberatoday.com)-Wararka ka imaanaya magaalada Garoowe ee Caasimadda maamulka Puntland ayaa sheegaya inay gadood sameeyeen Ciidamada Madaxtooyada, kuwaasoo ka cabanaya mushaar la’aan heysata muddo bilo ah.
Ciidammadan ayaa xidhay wadada tagta Madaxtooyada illaa Xarumaha Wasaaradaha, iyagoo diiday in la maro, waxaana dadka reer Garoowe ku soo tooseen ciidamo waddooyinka goostay oo dadka u diidaya in la maro.
Gadoodka ciidamadan ayaa sababay inuu akad galo howlo maalmeedkii xarumaha wasaaradaha Puntland, iyadoo aanay inta badan shaqaalaha soo xaadirin.
Saraakiil ka tirsan Madaxtooyada Puntland ayaa laga soo xigtay in aanay Ciidamada muddo 7 bil ah qaadan mushahar, taasoo ka dambeysay gadoodka.
Dhowr jeer oo hore Ciidamada Madaxtooyada Puntland ayaa sameeyay gadood ku saabsan mushaar la’aan, inkastoo markii dambe la xalinayay.
Halkan Hoose Ka Daawo Ciidamada Madaxtooyada Putland Oo Jidadka Kala Xidhay
Berberatoday.com