|
|
Garoowe(Berberatoday.com)-Xiisada Ololaha Loogu Jiro Tartanka Madaxtinimada Puntland oo Maalinba Maalinta Ka Dambeysa Xadhiga Sii Goosaneysa ayaa Waxa markii u Horeysay Si Lama Filaan ah uga Soo Dhex Mudhey Mid Kamid ah Bulshada Rayidka ah Gaar ahaana Ganacstada Shacabka Puntland.
Eng Maxamed Cismaan Cali Maad oo kamid ah Ganacsatada Sida aadka.ah Looga Yaqaan Guud ahaanba Puntland ayaa, Wakhti Xaadirkan Si Culus ugu Dhawaaqey in uu Yahey Murashax u Taagan Tartanka Loogu Jiro Jagada Madaxtinimo ee Puntland iyadoo ku Dhawaaqistiisu Noqotey Mid kusoo Beegantey Wakhti ay Godka kasoo Wada Baxeen Ragga Damacu kaga Jiro Kursigan islamarkaana,Mutashaxiinta Badankoodu Ciyaar iyo Durbaanba Dhameysteen, taas oo Sabab u noqotey In Indhaha Shacabka Puntland mar Kaliya kusoo jeediyaan Dareenkooda, iyagoo u Dhegtaagaya Murashaxa Ganacsatada ah ee kamid ah Shacabka ee Ciyaartiisa iyo Durbaanka Kusoo Beegay Xili Murashaxiinta Kale jiib iyo Jaanba Dhameysteen.
Murashax Eng Cismaan Cali Maad inkastoo uu Saaxiibo badan ku lahaa Doorka Siyaasadeed haddana Waxa uu ka Dhawaajiyay in Muradhaxnimadiisa Xiligani Sabab u tahey Kadib Markii uu Arkey Xaalada Puntlland halka ay Mareyso iyo Xubnaha Faraha Badan ee Damacu ka Galey in ay Hogaanka u Qabtaan Maamulka Puntland iyadoo isa Shaacintiisu Lama Filaan.ku Noqotey Bulshada iyo Siyaasiyiintaba Waxaana Dhaqdhaqaaqyadiisa Siyaasadeed Loo Sibir Saarayaa in uu Saameyn Ku Leeyahey Doorka Dhaqanka iyo Duubka odoyaasha oo iyagu Qeyb ka ah Xulista iyo Doorka Xubnaha Xikdhibaanada Lasoo Doortey Wakhtigan ee Golaha Shacbiga Puntland.
Ganacsadahan Isa Shaacintiisa Kusoo Beegay Xiligan oo hadalheyntiisa iyo Su,aalaha lagu Boobay Dhawaaqiisa ku aadan Damaciisa Siyaasiga ah Waxa ay Qeybo badan oo Shacabka Reer Puntland hadalheyntiisa ku Tilmaansadeen in uu Halis ku yahey Murashaxiin door ah oo Wajiyadii hore kusoo Qaatey Dhoolatus iyo Xaflado tira badan oo Lagu Qabtey Magaalooyin badan.
Berberatoday.com