|
|
Wajaale(Berberatoday.com)-Garaad Kulmiye Garaad Maxamed Garaad Dool Garaad Wiil-waal, ayaa lagu soo dhaweeyey magaalada Wajaale ee xadka dalalka Itoobiya iyo Somaliland, waxaanu u soo gudbay dhinaca degmada Gabiley oo uu kaga qaybgalayo Caleemo-saarka Suldaanka cusub ee Axmed Maxamed Colhaye (Salmaan).
Ujeeddada Garaad Kulmiye, ayaa ah mid dhaqan oo la xidhiidha ka qaybgalka caleemo-saarka Suldaanka cusub oo Gabiley ka qabsoomaysa sida la qorsheeyey Khamiista toddobaadkan haddii Illaahay idmo, waxaana Garaadka iyo Wefti dhaqan oo la socdaba, soo dhaweeyey Suldaanka la caleemo-saarayo, Maamulka gobolka Gabiley, Wajaale, Odayaal dhaqameed iyo xubno kale.
Garaad Kulmiye Garaad Wiil-waal iyo Suldaanka la caleemo-saarayo, ayaa halkaas Warbaahinta kala hadlay, waxaanan hadalladooda iyo sida soo dhawayntaasi u dhacday idiinku soo gudbinaynaa muuqaalkan hoose ee ka daawasho wacan oo wanaagsan:-
https://youtu.be/zayAvqfcPVs
Berberatoday.com