|
berberatoday.com
“DAYAARADAHA SUNTA HAWADEENA KU BUUFIYA OO AAN INAGA BAAL QAADIN HABEEN IYO MAALIN.W/Q YASSIN ISMAIL
January 18, 2019 - Written by adminDAYAARADAHA SUNTA HAWADEENA KU BUUFIYA OO AAN INAGA BAAL QAADIN HABEEN IYO MAALIN. Dadkii hore iila socday dabcan way ka War hayaan waxan aan ka hadlaayo, kuwase hada nala qabsanaaya Waa mawduuc beryahanba aan ka hadlaayay oo la xidhiidha tijaabooyin joogto ah oo dayaarado qalaad oon hayntooda la garanayn ay hawadeena ku buufiyaan sun loo yaqaan Aluminium-Sulphate iyo Beriam-Sulphate, kuwaas oo dayuurado ay leeyihiin dawlado, yaan odhan dawlado e ay dawlada maraykanka hayadeeda HAARP ay hormood ka tahay. Sida dad badani ka war qabaan Waxaa hawadeena dul mara dayaarado badan oo aan haybtooda la garanayn. Hadaba doraad subaxii: doraad Tuesday 15 January 2019, sidii caadada ii ahayd cirkaan eegay markay saacadu ahayd 07:15 ama todobadii iyo 15 daqiiqo iyadoo cirka sare ee magaalada Hargeisa, iyadoo dayaaradaha cirka buufiyaa qiyaastii cirka ku dhoobaysteen oo ilaa afar duulimaad ama afar jeer ku buufiyay hawadeena suntaas. Waayo markii hore waxay duulimaadyadani dhici jireen maalinta gelinka danbe. Haye ahaatee markii aan hore u sawiray duulimaadyo noocan ah sawirada iyo qoraalo ku lifaaqana aan u gudbiyay hayado Maraykanka ka jira oo arintan aad uga soo horjeeda una sharaxay sababta Somaliland loo bartilmaameedaaday maadaama aanay lahayn difaac xaga cirka ah isla markaana aanay Somaliland ahayn wadan la ictiraafsanyay oo aan akhkato ama cabasho ka jeedin karin golayaasha caalamka. Ugu danbayn walaalyaal Waxaa inagu socda tijaabooyin xun xun oo bii’adeena iyo dhulkeenaba lagu sinaynaayo, roobabkeena iyo daruuraheena lagu buufinaayo sun. Waxaan idinka codsanayaa in aad dawlada ku baraarujisaan halista ka imaan karta duulimaadyadan sun-buufinta ah. Waxaan ugu baaqayaa jaamacadaha iyo dadka aqoon yahanka ahba iyo dawladuba inay ku baraarugaan halista arintani leeday. Ugu danbayna midh kaftan ah: intii aan arintan ogaaday ee aan aqoonsaday in tijaabooyinkan loo yaqaan geo-engineering ku ka socdaan dhulkeena waxaan eegaa cirka mar kasta oon fursad u helo. Markaa nin aan saaxiib nahay baa igu yidhi isagoo I arkay anoo cirka eegaya, ku yidhi Waa RADAR kii cirka. Markaa dhulka uun Ha eegine CIRKA EEG CIRKA EEG CIRKA EEG.
Thank you please share, like and comment COMMENTS
|
||||
|